محمود رمضان
لا انا درويش
ولا أعمي
ولاشاعر
ولا فنان
بمثل دور شخوص تانيه
دا انا الإنسان
أنا الطفحان
مرار الظلم في الدنيا
ومش قادر أكون جنبك
ومش قادر أكون كارهك
ومش قادر علي بعدك
ولا ثانيه
وسجني في وشوش الخلق
بوابته الأمل فيهم
سجناني دموع مرسومه في عينيهم
يعيشوا يهتفوا بجرحي
وجرحي هو أوجاعهم
وجرحي عمره ما وجعهم
تعدي أيام
وتجري سنين
ولسه الصرخه جوايا
وحلمي إني أموت مستور
وجوه الضلمه
اللي مستنيه كون كامل
آلاقي النور