كتبت – جهاد عامر
أعلنت الفنانة منة فضالي عن اختفاء مساعدتها منذ يومين، مستغيثة بأصدقائها ومتابعيها للبحث عن الأخيرة، وذلك لاعتقادها إنه تم اختطافها.
وشاركت منة فضالي، جمهورها بصورة لمساعدتها، عبر حسابها الرسمي بموقع التواصل الاجتماعي “إنستجرام”، وكتبت: “صباح الخير عليكم جميعا أنا للأسف في موقف مش عارفه اتصرف في.. المساعده بتاعتي اختفت وهي جايلي علي التصوير، من أول إمبارح وكل ده أهلها بيدور عليها في المستشفيات والأقسام وأخر حاجه كانت راكبة أوبر وكانت جايالي علي المدينه بعديها تليفونها اتقفل“.
وأضافت منة فضالي: “ومن الساعه 6 المغرب واتفتح دقيقه الساعه 12 بليل معرفناش نعمل حاجه واستنينا يعدي 24 ساعه علشان نعمل محضر بعض المستشفيات هي مش موجوده فيها، والواضح إنها اتخطفت وحقيقي أنا مش عارفه أعمل حاجه ودي أول مرة معرفش اتصرف فا اللي يقدر يساعدني يبقي كتر خيرو“.
وتابعت: “هي ساكنه في الزاوية وللأسف معنديش تفاصيل لا رقم العربيه الأوبر لإنها كانت مش ظاهرة ولا أي حاجة.. رجاء اللي يقدر يعمل حاجه يبقي كتر خيره“.
وفي سياق أخر، يعرض للفنانة منة فضالي حصريا، مسلسل “مشوار الونش” عبر إحدى القنوات التلفزيونية، ويشارك في بطولة العمل كلا من: النجم محمد رجب، ومحمود عبد المغني، ميرهان حسين، ومنة فضالي، دانا حلبي، محسن منصور، إيهاب فهمي، محمد أبو داود، ميمي جمال، حنان سليمان، علاء مرسي، عبير منير، ريهام نبيل، أحمد إمام، الطفلة ريم عبد القادر وعدد آخر من الفنانين، والعمل من تأليف أحمد عبد الفتاح، وإخراج إسماعيل فاروق، وإنتاج شركة سينرجي.