كتب _محمد جوده
تحدث النجم القدير ”كريم محمود عبد العزيز“ عن تجسيد السيره الذاتيه لوالده الفنان الراحل محمود عبد العزيز ”الساحر“ قائلاً (لازم عشان يتعمل سيرة ذاتية هتبقي مبنية على الحياة الشخصية واتربى فين وإزاي وعانى من إيه وفيها تفاصيل شخصية كتير انا عن نفسي مبقتنعش بالمسلسلات دي وبتكون داخلة في حرمة الشخصية اللي بتقدمها وتفضح الناس وبيكون الشخص مات وراح لربنا وخلصت الحكاية.
كما قال أيضاٌ في حديثه ”الدور ال عملته في مسلسل الإختيار حاجة مشرفة ليا وحبيت أوي المشهد ده لأنه بيوثق حادثة بشعة ولما الواحد بيعمل حاجة ليها علاقة بالبلد ووطنية بتكون حاجة حلوة ومشرفة للشخص نفسه.
ومن جانبه أضاف ”كريم“ خلال لقائه في برنامج”its show time“ تقديم الإعلاميتين مها الصغير ودينا حويدق علي قناة”cbc“ أنا ومحمد إمام فعلا أصدقاء جدا ،ولو اتعرض علينا حاجه كويسة نظهر فيها زى مسلسل هوجان أكيد هنعملها ،ومفيش مشكلة نشتغل مع اي حد عادي مهما كان.
وتحدث ايضا عن التفكير في إنتاج ألبوم غنائي قائلاً أنا عملت أغاني في مسلسل ”شقة فيصل“ لأن القصة بتتناول صعود مطرب وبيكون وقتها في تظبيط في الصوت وحاجات كدة لكني لا أعتقد أني سأغني وأنتج البوما لأني مش مطرب خالص وعاشق مهنتي ”التمثيل“.