بقلم تحية محمد
لما تحب الست تخرج من إللي هي فيه ،ولو سألتني وقولتلي إيه إللي أنتي فيه ،هارد عليك واقولك في اخر كلامي هقولك على إللي أنا فيه،طلعت ورحت النادي ،وقعدت مع الستات ،ولقتني فعلاً بكلامي مع الستات ،بخرج أنا وهي من موضوع إلى موضوع ،اشي على الموضة ،واشي على الطبيخ ،واشي عن العيال ،والكلام بيروح ويجي،وبيقولو عليه كلام ستات،لكن في الحقيقة والواقع القعده بتعتنا بتكون دايما قعدة حلوة وتجديد،ادي إحنا بنفضفص وبنتكلم ونستخف دم بعض،بدل مانلاقي غيرنا يحرق في دم بعض،المهم في النهاية إحنا بنخرج بكلام الستات من إللي إحنا فيه،وذي ما وعدتك في أول كلامي إني اقولك إيه إللي أنا فيه،لوحكيتهولك هضيع القعده الحلوة،لكن لازم اقولكم زي ما وعدتكم،ام شايلة الهم،اولاد وأحفاد وزوج ميعرفوش أبدا إيه إللي أنا فيه،وده اختصار الكلام إللي أنا موجوده يوميا فيه.