كتبت: سوسن صلاح
ثقه كبيره في النفس ورغبة في الدفاع عن نفسها وعن المحيطين بها هي الاسباب التي شجعت هبة عبد القادر علي ممارسة رياضة الكونغ فو منذ الطفولة.
ودائما ما كانت تتلقي “هبة” الدعم والحث علي المواظبة علي التمارين من جانب اسرتها وخاصة والدتها التي تحملت ظروف سفرها المستمر في العديد من البطولات حيث كانت هبه تتدرب كثيرا لأنها وصلت لبطلة عالم في وقت قصير.
علي لسان هبة تروي لعيون الشرقية قصتها قائلة: “بدأت قصتي وانا في سن 12 عاما اولا احببت ان اتدرب رفع الاثقال ثم اكتشفني كابتن احمد عادل ثم انضممت لفريق الكونغ فو وعندها وعدني بالوصول لبطولة الجمهورية وبالفعل وصلت خلال فتره قصيره.
وتكمل “هبة”: الرياضة فرقت في حياتي كثيرا، مابقاش عندي وقت فراغ لان وقت فراغي كله بشغله في الرياضة وكمان اتعرفت علي ناس جديده وثقافات جديده.
في الاول اهلي مكنش عندهم فكره عن العبه ومعانها ايه او ازاي تلعبها بنت لكن لما شافوني وانا بلعب وبكسب وبحقق انجاز وميداليات ووصلت لبطلة جمهوريه بداوا هما يشجعوني علي اللعب والتمرين اكتر
ووجهت “هبه” رساله لكل البنات:” الرياضة مهمه جدا وبيها تقدري تحمي نفسك وتحافظي علي رشاقتك وان الوصول لهدف مش سهل ابدا لازم تتعبي وتتمرني اكتر وتوصلي عشان تحققي حلمك”.
وقالت:” انتقلت للكثير من الأندية حتي انضممت لمنتخب مصر للكونغ فو وفي عام 2014 كانت اول مشاركه لي في بطولات كاس العالم بروسيا عام 2017 وحصلت علي الميدالية البرونزية وحاليا في معسكر منتخب مصر تم تجهيزي لبطولة العالم المقامة بدولة الصين والتي بدأت اليوم.
وتابعت: “من 11 سنه وانا منضمة لبطولة الجمهورية وانضممت للمنتخب بفضل مدربي كابتن احمد عادل اللي دايما واقف جمبي ودعمني لحد ما وصلت لحلمي هو اللي وصلني وامن بيا وبحلمي ودايما فخور بيا لأني بلتزم بكل تعليماته في التمرين وفي المباريات دايما يقولي اني قويه جدا وصعب اخسر حلمي”.
واضافت “هبه” في حوارها : “انها تتدرب كثيرا للسفر في بطولة العالم احنا بنكون مستعدين لها كويس جدا والاتحاد بيوفر لنا المكان الذي نعسكر به احنا كنا معسكرين من قبلها في المركز الاولمبي كان بيكون التمرين عباره عن مرتين في اليوم وبيكون فيه مدربين علي اعلي مستوي كان بيكون بمجهود كبير جدا عشان نكون قادرين اننا نسافر بطوله كبيره زي بطوله العالم كان لاوم نثبت لكل مصر والناس اننا فعلا نستحق نسافر للبطولة دي”.
وأشارت:” انا حلمت اني اجيب الدهب ولما سافرت روسيا مكنش عندي الخبرة الكافية اني اكسب بطلة العالم في الهند وكنت عايزة اثبت لها اني افضل منها”.
وأوضحت: “اللي حببني في اللعبة اني ابقي ماشيه عندي ثقه في نفسي وكان عندي اصرار اني اثبت فيها ذاتي وهي فعلا لعبه قتاليه عنيفة بس مش معني كدا اني عنيفة مع الناس لا خالص بالعكس انا لما اكون بلعب مع لاعبه عندها اصابه ببعد عن المكان اللي مصابه فيه عشان احس بالفرحة لما افوز مش اكسب وهي تعجز وفعلا هي لعبه اخلاق الرياضة عمتا اخلاق”.
وتابعت: “انا قسمت حياتي كويس حياتي في العبه كان لها وقت وحياتي كبنت لها وقت وكنت بتفوق في دراستي وبخرج واتفسح واللعب مكنش حابسني وكنت بعيش عادي جدا”.
وتابعت تقول: “اكتر حاجة زعلتني ان اما رجعت من المطار ملقتش اي حد من نادي الشرقية ولا وزير رياضه علي الرغم ان لاعبين كورة القدم اتعمل لهم احتفال كبير انا نفسي اني حد يدعمني وانا بفوز الرياضة في مصر كوره بس احنا عايزين نأخذ حقنا انا بترفع علم مصر في العالم كله احنا عايزين نحس ان الدولة بتصدقنا وبتشجعنا”.