أكثر مايقلقني علي بلدي هو الخروج الآمن للدواعش من سوريا والعراق .. يعني مش هنضربك بس إطلع بره روح في أي حتة تانية .. الشيء اللى مش غريب إنهم إستقروا في ليبيا لأنها الساحة الوحيدة اللي لسه الغرب بيجرب فيها أسلحته مع إنتهاء الحرب في العراق وسوريا ولو حد فاهم كويس هيعرف إن المحاربين في داعش ” سنة ” وبالبلدي كده جيش صدام اللى إختفوا من الساحة العراقية وفضلوا يحاربوا أمريكا إلي أن إنتقلوا لحروب الربيع العربى مع القيادة ” الشيعية ” حيدر العبادى فأصبح لا أمل لمقاتلى داعش فى العودة إلى داخل العراق وهيستمروا فى حمل السلاح حتى الموت وعشان كده هتسمع أخبار كل كام يوم بتدمير 10 سيارات فى بيانات هيصدرها المتحدث العسكرى لأن الخطة التانية هى ” دامل ” إختصار أول حرف من مصر ( الميم ) وأول حرف من ليبيا ( اللام ) لأنهم عاوزين يعملوا دولة فى الصحراء الغربية ويمدوها بسلاح عن طريق الجو ويقدروا من خلالها يسيطروا على بعض مناطق الصعيد وبرضه يدخلوا العمق المصرى زى محافظات الدلتا وغيرها وطبعا الناس دى مأجورة من قطر وتركيا وده أكل عيشهم وعشان كده مصر إشترت طائرات لتأمين الحدود الغربية والتصدى لهذا المخطط لأن الإتحاد الأوربى مانع ليبيا من شراء أسلحة عشان كده مصر بتشترى الأسلحة نيابة عن ليبيا وده مش عيب لأن مصر بتحافظ على أمنها القومى .. يعنى الفكرة دلوقتى إن مصر هتحارب على جبهتين الأولى مشتعلة من زمان والتانية مينفعش تشتعل !
لازم وفى أقرب فرصة القضية الليبية تنتهى ولابد من تمكين ” خفتر ” لأن اللى جاى على مصر مش سهل وربنا يستر !!
بقلم / محمود الشاذلى – المحامى