كتبت – إيمان زهير
ردت الفنانة ميرهان حسين على أسئلة متابعيها عبر موقع تبادل الصور والفيديو “إنستجرام”، من خلال خاصية “الأسك”، وكشفت سبب عدم زواجها حتى الآن، ومواصفات شريك حياتها، وكيف تحافظ على جمالها، إلى جانب العديد من الأمور.
وكشفت الفنانة ميرهان حسين كيفية حفاظها على جمالها، قائلة: “بحاول مزعلش على قد ما أقدر، وأبعد عن الضغوط، وأهتم ببشرتي وصحتي عموما، وأكلي، ولو قدرت أنام كتير، ولو قدرت أشرب ميه، وألعب رياضة”.
وصرحت عن سبب عدم زواجها، وقالت: “عشان أنا بحب الروقان ومبحبش النكد، ومبحبش الزعل، وبحترم مساحتي الشخصية، وبحترم شخصيتي اللي بنيتها وهذبتها لحد ما بقت الشخصية اللي أنا عليها دلوقتي، ولسه ملقيتقش الراجل اللي ميخذلنيش في حاجة من دول”.
وأكملت: “وعموماً أنا مبدخلش ناس كتير في حياتي، لكن ممكن الناس اللي شايفيني صح، واللي بيقدروني، واللي أقدر أكون على طبيعتي معاهم، واللي في ضهري ومعايا في الحلوة والمرة، اوللي يحفظوا الأسرار، واللي أثق فيهم مع إني أعتقد إن بقى صعب جدا جدا تثق في حد وتديله الأمان، لإن أي صاحب ممكن يتحول لعدو لأسباب تخصه”.
وأوضحت عن أكثر ما يجذبها في الرجل: “أكيد مظهره الخارجي أول حاجة بتلفت نظري، بس الأهم إن شخصيته تعجبني”.
وقالت ميرهان حسين عن المواصفات شريك أحلامها: “يقدرني، يحترمني، يبقى سندي، يبقى شاريني، ومتمسك بيا يصوني، وأحس إنه بجد بيخاف، وميعيطلنيش ويكون في ضهري ، ويشاركني أفراحي وأحزاني، ويوفي بوعوده ليا، ويكون حنين عليا، ويخاف على زعلي، ويحسسني بالأمان، يكون حنين وطيب وبيحترمني قبل ما يحبني بجنون ويموت في دباديبي ويعشقني عشق العشقنقية كلهم”.