كتبت – أسماء حليمة
تحدثت الفنانة إلهام شاهين عن دورها في حكاية ألفريدو، وأن المسلسل ألقى الضوء على مجموعة كبيرة من مصابي مرض الزهايمر.
وعلقت إلهام شاهين خلال مداخلة هاتفية قائلة: “مرض الزهايمر تدهوره صعب جدا لأن كل حاجه في الشخص ده بتموت لكن بتفضل فيه الروح.. المرض لما بيجي في المخ لأن المخ هو اللي بيدي الإشارات للجسم كل الإشارات بتيجي تتوقف فيبقى المريض عبارة عن جثة بتتنفس وهو من أصعب الأمراض وكارثة كبيرة منتشر جدا”.
كما ذكرت إلهام شاهين عدد المصابين بمرض الزهايمر، وبلغ عددهم من 450 ألف لـ 500 ألف مريض، ويوجد أيضًا عدد كبير لم يتم حصر عددهم.
وأشارت إلهام أن دورها في حكاية ألفريدو كان الحالة الأولى لدي مرضى الزهايمر، موضحة أن هناك حالات أخرى تمر بمراحل أصعب بكثير، وقد يفقدوا وعيهم.
كما وضحت إلهام شاهين رأيها في منتقدي حكاية ألفريدو قبل عرضه، قائلة: “الناس قالت دي عاملة قصة حب وست كبيرة وبتحب واد صغير.. بس لو أفترضنا أنهما أكتشفوا أني ست كبيرة وبتحب واحد أصغر منها في السن فين المشكلة في كده!؟.. كل اللي قالوه كلام فارغ”.
وتابعت: “حتى لو كانت شخصية شريرة أو مرفوضة في المجتمع ده أمر عادي أنها تتعرض في الشاشة ودي حاجه مش ضد قانون ولا ضد شرع أو شي غريب.. في تسرع في الموضوع الشخص عاوز يهاجم وخلاص مش فارق معاه الموضوع.. حتى اللي كانوا بيهاجموا أعتذروا والكل أنبسط بدوري والعمل كل الناس أجتمعت عليه”.