كتب – أحمد عبد الفتاح
أوضحت المخرجة إيناس الدغيدي، عن سعادتها بحضور الدورة الثانية لمهرجان القاهرة للدراما، والتي أقيمت بمدينة العلمين.
وقالت إيناس الدغيدي: “الدورة الثانية من مهرجان القاهرة للدراما ليست استثنائية ولكنها هتفضل على طول، والجو هنا جميل وحلو والصيف حلو والناس حلوة وخلينا هنا على طول وبلاش نرجع القاهرة تاني”.
وأوضحت الدغيدي: “المهرجان بيدي الجوائز للناس اللي تستحقها وبيخلي فيه منافسة كبيرة، وبيشجع المنتجين، وكنت أتمنى أن جوائز الإنتاج يكون فيها فلوس زي السينما علشان يشجعوا المنتجين يعملوا دراما جيدة خاصة أن الدراما فيها مشكلات في الكتابة وتراجعت”.
وعبرت إيناس الدغيدي عن رأيها في الدراما التلفزيونية موضحة: “الدراما فيها مشكلة في الكتابة، ولكن الممثلين والمخرجين كويسين”.
وأكدت: “ولذلك تراجعت بسبب دورة رأس المال لأن المنتجين بيستغلوها وبيخلوها قصيرة ومش عاوزين يشتغلوا من زمان وبيرستقوا الموضوع قبل رمضان بشهرين ويزنقوا المخرج والممثلين وبالتالي الكواليتي مش كويس”.
وكشفت “إيناس الدغيدي” عن ابتعادها عن السينما أنا مبتعدة عن السينما، وأنا كان ليا بصمة، ونفسي أشتغل تاني، ومتوقفتش ولكن نفسي أعمل السينما اللي أنا بحبها، مش اللي الناس بتحبها.
وعلى جانب اعربت إيناس عن حبها لي السينما اللي فيها موضوعات جريئة اللي بتناقش العلاقة بين الرجل والمرأة، والمشاكلات الاجتماعية المهمة اللى هيا سبب مشاكلنا كلها.