كتبت – أسماء حليمة
علقت الإعلامية مفيدة شيحة، على واقعة مندوب الشحن التي ضجت مواقع التواصل الاجتماعي خلال الساعات الماضية والذي رفض المندوب توصيل فستان سواريه لعميلة قبل تأكده في أي مكان سترتديه العميلة، في منزلها أم خارجة.
وصرحت مفيدة شيحة في برنامجها الستات قائلة: “الحاجة اللي مخليه مصر كلها على فيسبوك موضوع الدليفري والولد اللي كلم الست على الفستان السواريه اللي هو شايفه أوفر، ومينفعش أنه يديه ليها لأنه على حسب ما هو قال هيخليه يرتكب ذنب، وكلم صاحبة الفستان اللي كتبت البوست وقد إيه هي فخورة بالشاب الجميل أنه اخترق الخصوصية، وأن في عنصر مهم جدًا في أركان الإسلام ولا تجسسوا، وهو عمل مصيبة أنه تجسس على شيء مش بتاعه.
وأضافت: أنا لو مندوب كلمني سألني هتلبسي اللبس ده فين أنا هقوله أي شيء علشان أشوفه قدامي، وبعد ما يجي أعتقد إني كنت هديله قلمين أو هبلغ عنه البوليس أن هو عمل أي شيء مخالف للقانون لأنه مش من حقه يفتح حاجة جيالي.
ووجهت الإعلامية مفيدة شيحة رسالة لمندوب الشحن قائلة: “أنت ولد عندك 19 سنة أحمق، محتاج إعادة تظبيط دماغك، لأن أنت عندك مشكلة كبيرة جدًا“.