شعر : سهام عثمان
جريح فى بحر الهوى
بيردد قصته تسابيح
ومين يحس بوجعه
البحر والا الريح
جريح ومن ألمه
بنى لقلبه ضريح
مقام وما يزوره
غير مشتاقين
مجاريح
بيناجو قصص الهوى
ويقيدوا فى شموعهم
من كتر البكا والنوح
غرقوا فى مواجعهم
يا كسرة الموجوعين
بالعشق وبناره
مين يجبر المكسورين
ويداوى أوجاعهم
جريح يا ناس بيقاسى
قلبه بيتألم
جرح الحبايب صعب
فى النفس بيعلم
حزنه باين فى عينيه
من غير ما يتكلم
لكنه رغم الألم
حالف ما يستسلم
بتقسي ليه يا دنيا
دا الحب كان غيِّه
صبح فى حبه قتيل
لكن ملوش ديه
حاول يعيد قصته
بين ديه وبين ديه
لكنه مقدرشى
رصاصته كت حيه
صابه الهوى فى مقتل
كان السبب هىِّه
ــ