كتبت – إنچي حسام
تحدث حمادة نجل الفنان محمد الحلو، عن تفاصيل المشاجرة التي حدثت بينه وبين المايسترو هشام جبر في بروفات حفل والده، وهذا الأمر أدى إلى اعتذار الأخير عن عدم المشاركة في حفل علي الحجار.
وأوضح الحلو، قائلًا: “الأزمة كلها كانت بسبب المايسترو هشام جبر اتكلم بطريقة غير لائقة، والغريب إننا بنشوف عندنا مايسترو زي هاني فرحات وغيرهم، ماشوفناش منهم أي تكبر ولا الأسلوب الوحش ده وبيقدروا الفنانين”.
وتابع الحلو قائلًا: “المايسترو هشام جبر طلع وقال كلام غير صحيح وإني قليت أدبي عليه ودا محصلش، إزاي هزعق معاه، وأنا كنت بحاول أصلح الأمور مع والدي عشان كان مضايق وكاتم غضبه”.
واستكمل الحلو حديثه قائلًا: “الفنان محمد الحلو عمره ما هيشارك مع المايسترو هشام جبر تاني في أي حفلة غنائية، لما كلم والدي في الطبقة الخاصة بالمزيكا ولو كان أي حد موسيقي سمع الطبقة اللي كان المفروض يغني عليها والدي كان هيموت من الضحك، وبالرغم من كده تعامل والدي معاه بذوق وعاتبه بهدوء، بالرغم أن المايسترو اتكلم بطريقة غير لائقة وعمره ما هيبقى فيه صلح بيننا”.