كتبت- روعه السيد
علقت الفنانة حورية فرغلي، على أزمتها مع حسن شاكوش، بعد أن قالت طليقة الأخير إن شاكوش على علاقة بفتاة ثالث حرف من اسمها راء، وربط الجمهور بين حورية وعلاقتها بشاكوش، وهو ما نفته الفنانة وأكدت أنها ليس لها علاقة بشاكوش، ولم تقابله ولا مرة من قبل.
وردت حورية فرغلي عن ربط الجمهور، بين اسمها واسم حسن شاكوش بعد تصريحات ريم طارق، إذ قالت، خلال لقاؤها مع الإعلامي تامر شلتوت، في برنامج In Deep في العمق.
وقالت: “في مليون اسم اشمعنا حورية مسكتوا فيه، وأنا عمري ما شوفت شاكوش، بس بحب اغانيه، وزعلانة أنه طلق ريم، لو مكنش في حب جامد بينهم مكنش هيكون في خناقاتهم، هي بتحبه اوي وغيروة عليه، بس هو مش عايز يبان قدام الناس أنه بتاع ستات”.
وتابعت حورية فرغلي: “ريم المفروض كانت تتعلم إزاي تخلي حسن ميبصش لحد غيرها، اللي اسمها سارة دي أنتو سافرتوا مع بعض وخرجتوا مع بعض، فمحبتش اسمي يجي حاجة زي، أنا زعلت أن الموضوع خصوصًا أنه داخل في حتة الشرف، فلما تقولي اسمي هخرب لكم الدنيا”.
وبرنامج In Deep في العمق، يقدمه الإعلامي تامر شلتوت، عبر قناته الرسمية على موقع الفيديوهات الشهير يوتيوب، ويعرض يوم السبت من كل أسبوع، ويستضيف الإعلامي خلال حلقات البرنامج مجموعة من نجوم الفن.