كتبت – مرام اللبان
تحدث الفنان إحسان الترك حول ذكرياته مع الزعيم عادل إمام، وحكى موقف في فيلم “بوبوس”، مما أثار داهشة الجميع، من خلال تصريحات خاصة لـ “عيون الشرقية“.
وقال إحسان الترك: “أنا في مرة حضرت موقف لزعيم عادل إمام ربنا يشفيه، وكان المساعد المخرج عايز يمشي واحد كومبارص مجرد انه راجل قاعد على تربيزة لا بيتكلم ولا بيتحرك وغالبًا حصل بنهم مشكلة”.
واستكمل الفنان حديثه قائلًا: “وادخل طبعا الزعيم وهَدَى الدنيا خالص، وقال انا من غي، الراجل ده مش هعرف اعمل حاجة والموقف ده حصل في فيلم بوبوس تحديداً مشهد الحادثة وكانت ميسرة بتغني”
وفي سياق آخر كشف الفنان إحسان الترك من خلال تصريحات خاصة لـ “الأنباء المصرية”، حول أن هل الوسط الفني بيعتمد على الوسايط في العمل، وجاءت إجابته صادمة.
وقال الفنان إحسان الترك: ” بالتأكيد الفن بيعتمد على الواسطة والمعرفة والصداقة، بدليل أن مثلاً عندي مخرج معه كاست معين واجي اروح عمل تاني الاقي نفس الكاست ده معناه أيه”.
وأشار الفنان إحسان الترك إلى: “الفن مبيكسبش، ولكن بيكسب فئة معينة اللي هما السوبر استارز اللي فوق، اللي عايمين على وش الفن”.