كتبت – رحمه السعداوي
قامت الإعلامية دعاء فاروق بالتعليق والإعتراض على تنبؤات عالمة الفلك، بشأن طلاق الفنان أحمد العوضي والفنانة ياسمين عبد العزيز، وتأثير ما فعلته من دهشة الملايين على مواقع التواصل الإجتماعي بعد إعلان الفنانة طلاقهما رسميًا.
ونشرت دعاء فاروق مقطع فيديو على حسابها بموقع انستجرام، وقالت فيه: “الست اللي طلعت في البرامج عشان التوقعات، والبرامج اللي بتظهر فيها المفروض إنها محترمة على قنوات وفريق إعداد محترم.
وأكملت دعاء: “الناس دي متعلمة دارسة إعلام، أساتذة كبار في عالم الإعلام والتقديم التلفزيوني، وبيجيبوا عندهم ناس بيقولوا عليهم علماء فلك، وبيتوقعوا حاجات عن الناس، وبعدين نقول التوقع طلع صح”.
وأضافت دعاء قائلة: “أنتم متعرفوش إن دي أعمال كفر وفي شيء اسمه تسخير جن، لما نيجي نقول ده بيسخَّر جن وبيعملوا أعمال كفر، وبيدخلوا بالقرآن في أماكن سيئة، عشان يطلعوا الجن ويقول كلام من المتشقلب”.
تابعت قائلة: “أنا لا يمكن أفتح التلفزيون في الوقت اللي بتيجي فيه الفقرات دي، بناخد ذنب كبير أنا بعين واحدة بتعمل أعمال كفر، إنها تنتشر وتبقى مهمة وتبقى أحسن من العلماء والدكاترة”.
وواصلت “فاروق”: “البرامج بتجيب عالمة فلك، وهى مش عالمة فلك هى بتتواصل مع ناس بيعملوا أعمال كفر، ده شيء معروف أنتوا عايزين تنساقوا وراء الكفر اللي فيه حرمانية واضحة”.
استكملت دعاء قائلة: “ده دجل وشعوذة، وأعمال سفلية، وأعمال جن، عيب أحنا ناس متعلمين ودارسين في أحسن الأماكن، لما تجي تشكل وجدان الأمة بشيء منحط”.
وأوضحت دعاء فاروق: “يصعب عليا أن في مذيعين بحبهم وشاطرين جدًا ينساقوا في السكة المتخلفة دي، وكده بفتح باب كبير أن الناس تمشي تؤمن بأشكال تعمل أعمال كفر”.
ونهت كلامها قائلة: “لو هى قالت التوقع وطلع صح، ده يخلينا نتأكد أن الناس دي بتحضر حاجات عن طريق حرام، وبيحضروا جن عشان يقولهم معلومة، الجهل بقى على أكبر قنوات وأهم شاشات ويجني كل هذه المشاهدة، ويعمل كل هذه الدوشة، وهى بتكون يا محضرة جن، يا تعرف حد يحضره ليها”.