كتبت – نرمين احمد
كشف الفنان محمد هنيدي عن سر إصراره على النجاح رغم المواقف المحبطة التي تعرض لها، بداية من عدم استطاعته دخول كلية الشرطة ثم رفده من كلية الحقوق.
وقال محمد هنيدي خلال استضافته في برنامج ضيفي مع معتز الدمرداش عبر قناة الشرق: “زمان كانت عاوز ادخل شرطة فما نفعش ولما دخلت حقوق اترفدت لأني سقطت علشان كنت مركز في المسرح”.
وتابع هنيدي: “وبعدها روحت فنون مسرحية ما قبلونيش، ولكن ما كنتش بقفل البيبان لأن ربنا مش قافلها فروحت معهد سينما فاترفدت علشان ما كنتش بحضر”.
وأوضح محمد هنيدي: “طول الوقت كان فيه إصرار ويمكن لأن ربنا كان عاوزني أكمل، وما كنتش بقفل في البيبان لأن ربنا أبوابه مفتوحة، ولما بدأت اتعامت مع عاطف الطيب ويوسف شاهين وفيلم بخيت وعديلة فرق معايا إلى جانب توفيق ربنا”.