كتبت – آية الجوهري
ردت الفنانة نيللي كريم على تصريحات الفنان باسم سمرة في برنامج “رامز جاب من الآخر” بعدما تحدث عن عمل كان سيجمعهما لكنه رفضه لأنها طلبت مشاركة زوجها الفنان هشام عاشور، فضلًا عن حديثه أنها تعلمت منه التمثيل.
وتحدثت نيللي كريم في تصريحات صحفية قائلة: “الكلام ده محصلش أنا آخر مرة اشتغلت مع باسم سمرة في مسلسل “ذات” ودا من أكتر من 10 سنين وبعدها عمر ما جات فرصة أو أي عمل يجمعنا، الكلام اللي هو حكاه مش حقيقي”.
وردت نيللي كريم على قوله هو والفنانة انتصار أنها تعلمت التمثيل منهما: “أنه بيقول إني اتعلمت منه التمثيل أنا بتعلم كل يوم لو مخرج بشتغل معاه لأول مرة أو ممثل، واتعلمت منه أه طبعا باسم أستاذ كبير”.
وتابعت: “بالنسبة ليا مسلسل “ذات” كان مهم ودور يخض، وإني أتعلم منه دا شيء مش عيب، والأستاذة إنتصار طبعا اتعلم منها هي أستاذة رائعة الحاجات دي عندي مش مشكلة طول ما أنا عايشه وبشتغل في المهنة دي أنا طول الوقت هتعلم”.
وأضافت: “ومرديتش على الكلام دا قبل كده لأن أيوة يا نجوم يا كبار أنا بتعلم منكم وشرف ليا إني اشتغلت معاكم”، وعاتبت نيللي كريم الفنانة انتصار بسبب تصريح لها إنها كانت ترقص باليه ثم دخلت مجال التمثيل.
وقالت: “أنا بس مش بحب الطريقة، ألوم على انتصار لما قالت هي كانت بتاعة باليه وجات، بتاع الباليه مش ماشي في الشارع، في أكاديمية فنون ومعهد الباليه وأنا كنت دارسة قسم إخراج مسرح، أنا مش جايه من الشارع دارسة موسيقى وباليه وفن مع ناس محترمة وأساتذة كبار”.