كتبت – إيمان عمر
حلت الفنانة سلوى عثمان، ضيفة في برنامج “التاسعة” مع الإعلامية شافكي المنيري المذاع عبر شاشة “الأولى المصرية، وتحدثت عن مشوارها الفني.
وقالت سلوى: “بابا معترضش إني أمثل لأنه هو فنان، مش معقول يعترض أن بنته ممثلة، في ناس مبترضاش بيخافوا على ولادهم من تعب المهنة، لكن بابا كان حاسس إني غاوية الموضوع”.
وأضافت قائلة: “أنا ماعنديش مشكلة في إني ماخدتش بطولة المطلقة، بس كنت أتمنى أبقى بطلة أولى، دي حاجة طبيعية، دايما كانوا بيدوني أدوار أكبر من سني، ماكونش شايفيني في دور البنت الصغيرة، لأن جسمي ماكنش رفيع وكنت مليانة شوية وأكتر البنات رفيعين”.
وكشفت الفنانة: “حاسة إني اتظلمت وماخدتش حقي أوي غير بعد ما كبرت، كنت بشتغل والناس بتقول إني ممثلة كويسة، بس ماكنتش واخدة الأدوار اللي فيها مساحة كبيرة، أو اللي بتقدمني بالشكل اللي استحقه”.