كتب : بشير حافظ
نشرت فتاه تدعى “أسما إبراهيم” طالب جامعية فيديو عبر صفحتها الرسميه فيس بوك يوثق واقعة التحرش بها داخل إحدى الميكروباصات التي كانت تستقلها داخل مدينة الزقازيق أثناء عودتها من كليتها وكتبت في منشورها
“راجعة من الكلية زي كل يوم ركبت سيرفيس ولبسي مش مُلفت ومغطيني الحمدلله ركب جمبي واحد قد أبويا ومش هقول عليه راجل لأنه مثال للإنسان… من أول الطريق ألاقي حركات مش لطيفة خالص أقول مثلاً غصب عنه ولا حاجة شغلت كاميرتي إستنيت بس يكون معايا دليل إثبات علشان محدش يقولي بتتبلي عليه من الأشكال إللي زيه ، وبأكبر قوة فيا وزقيته لبرا وضربته وشتمته إني ألاقي راجل نطق كله بيتفرج مع العلم أن السيرفيس كان كله رجالة حرفياً محدش أتحرك من مكانه كان ممكن أخده وإعمل محضر تحرش أحبسه فيها بس فكرت مراته وعياله ذنبهم إيه المهم إني خدت حقي وشكراً للرجالة إللي معملتش أي حاجة أنا ب ١٠٠ راجل منهم..كان نفسي أصوره بس كان كل إللي يهمني إني أخد حقي بإيدي..و حسبي الله ونعم الوكيل”.
فيما إنهالت التعليقات المؤيدة للفتاة وتوثيقها للفعل الفاضح الذي قام به شخص غير سوي على حد وصفهم وأكدت أنها رفضت تحرير محضر ضده خوفاً على أسرته.