كتبت – أسماء حليمة
علق الفنان علاء مرسي، على أزمة الفنان بيومي فؤاد ومحمد سلام، وذلك بعد رفض سلام حضور مسرحية “زواج إصطناعي”، تضامنًا مع أحداث غزة.
وتعرض بيومي فؤاد للعديد من الانتقادات من الجمهور، بعد تقديمه للمسرحية، حيث انتقد محمد سلام بها.
وعلق علاء مرسي على الانتقادات التي يتعرض لها بيومي فؤاد قائلًا: “راجل بيشتغل شغلته، أومال يطلعوا يعملوا إيه على المسرح، معروف الفترة دي إن المسرح كوميدي، وفيه مسرحيات كوميدية بتتعرض في مصر، وكل واحد يقول ويتكلم وخلاص”.
وأضاف “مرسي”: “كل واحد حر يشتغل أو لأ، دي مسألة بتاعته في الآخر المواضيع مش كده، المفروض نتكلم عن اللي جاي وعن شباب فلسطين اللي ضاع، والفنان زي المحامي والدكتور والمهندس”.
وتابع علاء مرسي: “زمان أيام حرب أكتوبر كانوا بيعملوا أوبرتات عن أكتوبر ويحمّسوا الناس، وإحنا مش في إيدنا حاجة غير أننا ندعي ليهم إحنا مش في ايدنا نروح غزة ونحارب”.
وواصل علاء حديثه: “ليه رابيطن الشغل باللي بيحصل في غزة ده شيء مالهوش علاقة، المفروض ندعي ليهم ونخلي قلوبنا معاهم وما نتكلمش على الناس لأ نتكلم على غزة يا رب يحميهم وينصرهم وأنا بدعم غزة والدم اللي هناك والأطفال”.
ويعد مسلسل “الكبير أوي 7″، هو آخر الأعمال الفنية التي شارك بها الفنان علاء مرسي، والتي وعُرض في الماراثون الرمضاني الماضي.