كتبت – جهاد عامر
ذكرت الإعلامية رضوى الشربيني، طبع ابنتها تمارا الصعب في تعاملها مع الرجال، موضحة أنها ستكمل مسيرتها الإعلامية في قضايا المرأة.
وأعلنت رضوى الشربيني خلال لقائها في برنامج Insider بالعربي: “بنتي تمارا هتبقى خليفتي، وهتكمل من اللي وقفت عنده، وهتبسطكوا أكثر مني وهتقول كلام أوحش مني، وبتتخانق مع الرجالة بس بردو، وكل واحد بتتشاكس معاه بتقوله أنا بنت رضوى الشربيني“.
وبعثت الشربيني رسالة للرجال، ناصحةً لهم: “عايزة أقولهم افهموني صح.. أنا مش عدوتك لكن عدوة تصرفاتك الخاطئة تجاه البنات والستات.. كُن رحيمًا بالست وبالبنت اللي موجودة في بيتك، ولا تكون راجل عندك المسؤولية وتحترمها يا بلاش من أولها“.
وفي سياق مختلف، أبدت رضوى الشربيني رأيها في حملة التنمر التي تتعرض لها زميلتها الإعلامية ياسمين عز على السوشيال ميديا مؤخرًا بعد دفاعها عن الرجال.
وأكدت رضوى الشربيني في تصريحات تليفزيونية عن الإعلامية ياسمين عز: “أرفض التنمر تمامًا على ياسمين عز وأي واحدة، ومينفعش نتريق على بنت بهدف أننا نبقى تريند، وأنا مقتنعة إن الإعلامية لازم يكون كلامها حلو زي مظهرها، ويكون عقلها واعي لأن الجمال سبب من أسباب النجاح، ولكن مينفعش نعتمد عليه“.