كتبت – رحمه السعداوي
أوضح الفنان عمرو وهبة برغبته الشديدة في تقديم أدوار درامية بخلاف الأدوار الكوميدية التي تميز بها منذ بداياته الفنية.
وكشف “عمرو” في أحد اللقاءات التلفزيونية: “المعادلة دايمًا إزاي أقدم الشخصية ويكون في لمحة الناس تحبها”.
وأكمل قائلًا: “والأعمال الدرامية نقلة مهمة ونفسي فيها، ولكن هى محتاجة عمل مهم مع مخرج مؤمن إني أقدر أعمل ده”.
مسلسل في بيتنا روبوت
وعلق عمرو وهبة على تجهيزات مسلسل “في بيتنا روبوت”: “عملنا بروفات كتير أوي علشان نخلي الناس تصدق أن ده روبوت”.
وأضاف: “وفي تفاصيل بسيطة في المسلسل ضمنية ممكن ماحدش ياخد باله منها، زي أن في مشاهد كتير أنا واقف ومعنديش كلام، وأن مينفعش أتدخل في الحوار لازم يتوجهلي سؤال”.
عدم مشاركة عمرو وهبة بموسم رمضان المقبل
وأعلن عن أعماله الفنية الجديدة قائلًا: “كان يوجد أعمال مطروحة في رمضان المقبل ولكن مقدرتش أعملها بسبب تضارب مواعيد التصوير”.
واستكمل: “لأني كنت بصور مسلسل صوت وصورة، والسنة دي ظاهر ضيف شرف في كذا مسلسل مع أصدقائي اللي بحبهم، واعتذرت قبل كده عن أعمال، لأن أنا عايز أعمل حاجة مختلفة وأفاجئ الناس”.