كتبت : أمل كمال
أب تجرد من كل معانى الرحمة والأبوة بل والإنسانية تعمد إنهاء حياة طفل برئ معاذ طفل فى الرابعة من عمرة ليس له أي ذنب فى الحياة إلا أن لديه أب لم يعرف الرحمة ولا الحنية لم يخف من قضاء ولا من بشر ولا من رب البشر .
تلك الواقعة تعود إلى أنه عندما ألقضت مباحث العاشر من رمضان القبض على المدعو محمد على الحفنى إثر قدومه لقسم أول العاشر من رمضان لإستخراج تصاريح دفن جثمان الطفل معاذ وعند سؤاله عن سبب الوفاة أجاب “خبطته عربية فى الشارع ” وبالذهاب للمكان الذي حدده الأب وإرجاع الكاميرات تبين أنه لم يوجد أى سيارة فى الشارع فضغط عليه ضابط المباحث لمعرفة سبب الوفاة أجاب وقع من الدور الرابع فذهب معه الى الشقة فوجد الدم على السجاد فأصر الضابط علي معرفة السبب الحقيقي وراء الجريمة فأجاب “أنا اتنرفزت شوية عليه وخبطته فمات”وتم إلقاء القبض عليه وأمرت النيابة بتصريح دفن جثمان الطفل .
تقول أسماء والدة الطفل ” معرفتش انه مات كانو هيدفنو الولد من غير ما أعرف حسبي الله ونعم الوكيل خطف إبنى منى وحرق قلبي عليه وموته ده كله عشان المحكمة حكمتلى بنفقة مكنتش عايزة النفقة ولا عايزة فلوس عايزة إبنى إلى ميعوضهوش فلوس الدنيا كلها ربنا ينتقم منه.”
وتقول زوجة الأب س /م ” على كان دايما يضرب معاذ ويسخن مسمار ويكويه كل لما يعيط ويقول عايز ماما عايز تيته وفى يوم الوفاة والده اتصل عليه قالي خلاص معاذ هيرجع لأمه تانى المحكمة حكمتلهم وهتدفع نفقة فضل يضرب فى معاذ ويقوله لما تروح معايا المحكمة هتقول عايز أعيش مع مين قاله مع أسماء فاتعصب عليه وفضل يضرب فيه ومعاذ وقع على الأرض وأنا فضلت أدافع عن معاذ راح خابطنى فى بطنى وانا كنت حامل وروحت المستشفى.و
وذكر جده لأمه “معاذ ابنى انا إلى ربيته هو متعبشي فيه بنتى دى غضبوها وهو لسة في بطنها شهرين الناس قالولى خليها تنزل الى فى بطنها هما مش استحملو بنتك هتربيلهم ابنهم إستحرمت وقولت حرام عليا ده روح وايجا معاذ الدنيا وربيناه بقي عندى أغلى من إبنى حبيبي يا معاذ حسبي الله ونعم الوكيل خطفوه من أمه وأخوها وهما كانو بيكشفو عليه وضربوهم خدوه وحرمونى منه مش شوفته خدوه عايش ورجعوه ميت أنا عملت محضر بالخطف وبعتت فاكس لوزير الداخلية .
واستكمل الجد “إحنا عملنا قعدة عرفية ومضينا ورق عشان هما ميتعرضوش لبنتى ولا لإبنها محترموش أى حاجة حسبي الله ونعم الوكيل.”
كما قالت جدة معاذ لأمه ” حسبي الله ونعم الوكيل معاذ كان بينا وعايش ومبسوط خطفوه وموتوه المحكمة حكمتلى بحضانته حرمونى منه منهم لله القتلة الخونة أطالب بحق معاذ أمانة فى رقبة كل مسؤل”