كتبت – فاطمة ثروت
تحدثت الفنانة غادة عبد الرازق، في تصريحات تلفزيونية لها، عن نجاح آخر أعمالها الدرامية، حكاية تحت الحزام بمسلسل “حدث بالفعل”، مشيرة إلى أنه مقتبس من أحداث حقيقية.
وقالت غادة عبد الرازق: “المسلسل مكانش 3 حلقات هما كانوا 2، وقعدت مع المؤلف، وكان في حاجات لازم تبان، وقولتلهم خلاص نعمل 3 حلقات”.
وتابعت عبد الرازق: “مع إني كنت اتفقت خلاص على حلقتين، واللي حببني في الموضوع ده، إن علياء دكتور نفسية بتعالج الناس، ومحدش تخيل إنها ممكن تكون مريضة”.
وواصلت: “جبنا قصة مسلسل تحت الحزام، من دكتور نفسي والشخصية لسة عايشة لغاية دلوقتي، واللي حصل في المسلسل هو اللي حصل بالتفصيل في الحقيقة”.
وأضافت غادة: “والوحيد اللي يعرف القصة الدكتور النفسي، ومقدرش يبلغ عنها، ولسة لغاية دلوقتي عايشة مع ابنها وحفيدها، وهي مش مصرية”.
وأكملت: “أنا لو جه حد قالي هاخد روتانا “ابنتها” وأسافر هطفشه، وعمري ما أوصل في حياتي لحتة الجريمة، ولكن صعبت عليا الشخصية في المسلسل، لأنها اتكسرت وحياتها كلها ابنها”.
وأردفت غادة عبد الرازق: “شخصيتي في مسلسل “تحت الحزام”، حكاية حياة دي كانت قريبة من حد قريب مني جدًا، وكانت دكتور بشرية”.
وأتمت: “وكانت زي ما طلعت في المسلسل بالضبط، والتاريخ العائلي بتاعهم فيه الشكل ده من الأمراض النفسية، ومن كتر ما مثلت الأمراض النفسية بقيت خبرة”.