تقرير: مي علوش
حلت الفنانة نجوى فؤاد، ضيفه على الإعلامية ياسمين عز، في برنامج “كلام الناس”، المُذاع عبر فضائية “إم بي سي مصر”.
وكشفت نجوى فؤاد سر انفصالها عن أحمد رمزي بعد أسبوعين من الزواج، قائلة: “رجع لمراته وفضلنا إننا نكون أصدقاء، وكان بيحب بنته باكينام”.
وأضافت: “أنا قولت له إحنا مخسرناش حاجة، ننسحب ونفضل أحباب وأصدقاء أفضل”، مؤكدة: “الانفصال معملش أي مشاكل بينا خالص”.وكشفت نجوى فؤاد، عن عدد زيجاتها، قائله: “تزوجت 6 مرات فقط مش 10 ولا 15 زي ما بيتقال”، مؤكدة أن جميع زيجاتها كانت عن حب ولم تتزوج لأي سبب آخر.
وعن علاقتها بزملائها وأصدقائها في الوسط قالت نجوى فؤاد:
– مبقتش أعرف أوصل لفيفي عبده ودائما تليفونها مقفول وآخر مرة زارتني من سنتين.
– دينا من أكتر الناس اللي بحبها وفي حالها وساعات بتسأل عني.
– دلال عبد العزيز صديقتي الصدوقة وحسيت بالوحدة بعد ما ماتت.
– دنيا سمير غانم وإيمي بيتصلو بيا وعزموني على أول يوم فطار عندهم في رمضان.
– سمير صبري اتصل بيا وهو من أكثر الناس اللي بيسألوا على زملائهم.
تصريحات نجوى فؤاد عن الفن والرقص:
– جيلنا كان فيه تلاحم ، وكنا بنسأل على بعض، ولازم يوم الخميس كل فنان يعمل سهرة عشان نلتقي مع بعض، واي مناسبة لازم نتجمع.
– محدش بيسأل عليا غير المجتمع العادي، العائلات وجيراني، والجمهور.
– مبشوفش الفنانين غير وهما في العزا لابسين أسود وبيتصوروا.
– ندمت إني دخلت التمثيل وسبت دراستي وأهلي وكنت عايشة في اوضة.
– رفضت أخلف عشان أحافظ على شكلي، وكان سبب انفصالي عن أحمد فؤاد حسن.
– الراقصات الأوكرانيات بيرقصو حلو لكن لبسهم كله مفتح وشبابيك، ودا مش بيليق بعادتنا وتقاليدنا ولا الفن بتاعنا.
– لازم ابقى متغطية عشان أعرف ارقص، وعندي عادة ديما إني أروح أصلي المغرب والعشاء في السيدة نفيسة كل أسبوع.
شللية الفن
وأكدت “نجوى فؤاد “أنها لا تزال تعشق الفن، لكن الفن تحول إلى شلل وأحزاب، موضحةً: «زمان مكناش كده، اللي كان يصلح لدور كان لازم ياخده حتى لو مش صديق، وجوه العمل بيبقوا أحباب وأصحاب».