كتبت – أسماء حليمة
رد المخرج ماندو العدل على منتقدي الفنان محمد رمضان بسبب أعماله في بداياته الفنية، مؤكدًا أنه ممثل محترف ويعبر عن الشباب والمصريين.
وقال ماندو العدل خلال لقائه على راديو 9090: “الجمهور بيحصر محمد رمضان في نوع معين من الأفلام ودي مش حاجة حلوة ولكن أنا كمخرج بشوف محمد رمضان موهوب وبنطلع نتيجة كويسة في الأعمال سوا، وبالفعل أعماله أثبتت موهبته ونقدر نشوف قد إيه مسلسلاته وأفلامه نجحت“.
وأضاف: “بستغرب لما حد لسه بيسأل هل محمد رمضان موهوب ولا لا، ليه الناس بتشكك في موهبته؟ هو طبعا موهوب، وأنا حاولت أظهر للناس قد إيه هو شاطر في فيلم ع الزيرو وشبه المصريين ووشه منحوت وبيعبر عن الشباب، والحمد لله الفيلم نجح والجمهور استقبله بشكل كويس“.
كما تحدث ماندو العدل عن فيلم ع الزيرو، قائلا: “ورق فيلم ع الزيرو كان مكتوب لـ محمد رمضان مخصوص واتفقنا عليه من 5 سنين ولكن اتأجل وكلنا انشغلنا لحد ما اتكلم عن الفيلم تاني السنة اللي فاتت ومحمد كان حابب الفيلم والفكرة من الأول وبدأنا تصويره“.
وشارك في فيلم ع الزيرو عددًا كبيرًا من الفنانين بجانب محمد رمضان، من بينهم نيللي كريم والطفل منذر مهران وإسلام إبراهيم وجومانا مراد.