كتبت: آية صلاح
كشفت الإعلامية مي حلمي عبر استوري حسابها الشخصي بموقع “انستجرام”، عن سعادتها خلال الفترة الحالية.
وقالت مي حلمي عبر استوري حسابها الخاص بموقع انستجرام: “النهاردة بس أقدر أقول حقي جالي في حاجات كتير اتظلمت فيها يا رب”.
وأضافت مي “اللهم لك ألف حمد مبسوطة من قلبي ساعات كتير بنضطر نخسر حاجات علشان نكسب حاجات أكتر في حياتنا ومستقبلنا وعمرنا وفرحتنا وحكمة ربنا علشان نقول أن خططنا جنب اللي كاتبه ربنا وحكمته في تخطيط الأمور ورد الحق عجيبة”.
وأكملت قائلةً: “سبحانك يا رب في تدابيرك مبسوطة ومش هقول أحسن والجو ده بس الحقيقة أنا فرحانة من قلبي، انتظروا مفاجأة أخرى في الطريق، ونصيحة ما هيقعد لك إلا شغلك وتعبك لمستقبلك”.
وكانت مي قد أعلنت عن سعادتها بقصة حب جديدة تعيشها، حيث قالت عبر خاصية ستوري بـ”انستجرام”: “يارب أشوف كل الناس فرحانة أدي.. مش عوزاكم تزعلوا مني عشان مش هقدر أرد على أي أسئلة بخصوص اللي جاي أو هو مين وإزاي وفين؟”.
وأضافت: “يكفي أني شاركتكم فرحتي من قلبي ولكن اتعلمت داري على شمعتك تقيد بس أوعدكم أول ما يجي الوقت المناسب هتفرحوا.. تخيلوا أكتر من 300 رسالة دعاوي بس ليا منكم أن ربنا يعوضني وتخيلوا بقى الدعاوي دي في أيام مفترجة كدة يبقى دا عوض ربنا.. حياة جديدة وحب ناس ودعاوي أمي وأبويا وعيلتي التانية أنتم”.