كتب : بشير حافظ
تداول عدد من رواد مواقع التواصل الإجتماعي كلمات رثاء حزينة من زوج لزوجته التي توفت أثناء عملية ولادة مبكرة لثلاثة أجنة.
وسادت حالة من الحزن الشديد وصلت لحد البكاء لكل من قرأ كلمات الزوج حيث قال “علي عز” 25 سنه مقيم قرية النخاس دائرة مركز الزقازيق في نعي زوجته “جهاد” حاصلة على بكالوريس تجارة التي فاضت روحها أثناء إجراءها جراحة ولادة مبكرة كونها كانت حامل في ثلاثة أجنة :
إن لله وإنا إليه راجعون زوجتي وأولادي في ذمة الله
ربنا يرحمك ويغفرلك يا حبيبتي وجعتيني وكسرتيني
ملحقتش أفرح بيكي ولا بولادنا التلاته إللي في بطنك إللي كان فاضل ليهم شهر ونفرح بيهم..وتمسكيهم بايدك كان نفسك تفرحي بيهم وكنتي بتترجيهم من الدنيا.
وإستكمل الزوج : ربنا يرحمك ويغفرلك يا حبيبتي روحتي وراحو معاكي وأخدتي فرحة البيت كله هنا وهناك ياحبيبتي تعبتي كتير وتوجعتي وشوفتي إللي محدش شافه ومفرحتيش بحملك وروحتي بولادك إتحدسدتي..ربنا يرحمك بحق التعب والعذاب اللي شوفتيه وعوضي علي الله راحه شهيده ان شاء الله .وربنا يجمعني بيكو علي خير..ربنا يصبرني علي فراقك في قلبي نااااار كل ما بيعدي ساعه علي غيااب النار بتاكل في قلبي اكتر محدش هيحس بيها غيري انتو الاربعه تروحو مني في لحظه بين اديا عارف انهم معاكي دلوقت وبتلعبي معاهم فضلتي انك تسبينا كلنا وتحفظي عليهم ولما قولتلك لو تعبينك نزليهم وربنا يعوضنا قولتي لا كفايه إني بحس بيهم لنعيش سوا لنموت سوا بس الحمد لله وإنا لله وإنا إليه راجعون .. إدعولها بالرحمة “.