كتب – أحمد عبد الفتاح
تصدرت الفنانة ياسمين صبري التريند خلال الساعات الماضية، بسبب حديثها عن أفلام المهرجانات، والتي أوضحت أنها لا تفضل المشاركة بها، مشيرة إلى أنها تعمل على أن تكون نجمة الشباك بالسينما.
وتداول الجمهور نشر حديث ياسمين صبري، في ماستر كلاس بمهرجان البحر الأحمر السينمائي الدولي عن أخطائها الفنية.
حيث قالت: “بنت كتبت هي عاملة لينا عمل ولا إيه.. يعني مش عاجبنا وبنتفرج؟ ومش هتنسد على ده إني بتشاف وأنا بتعلم من أخطائي”.
وتابعت ياسمين صبري: “أنا بتاعة شباك التذاكر وعادة أفلام المهرجانات بتكون الميزانية بتاعتها هادية ومش بيدوروا على التذاكر والإيرادات، والمنتج والمخرج بيبقوا عارفين القصة دي، لكن أنا بنت بوكس أوفيس يعني إيرادات وكام”.
وكشفت ياسمين، كيفية مواجهة المشكلات في حياتها الشخصية، قائلة: “أسهل حاجة عندي الاستغناء، سلاح قوي جدًا في الحياة، الحياة مش مستاهلة إن الواحد يقطع نفسه أو يعيش نفسه في ضغط، الحياة صغيرة مهما طولت”.
وتحدثت ياسمين صبري: “المفروض الإنسان يعيش محترم نفسه وعنده راحة نفسية، مش في سبيل دور تتعب نفسك نفسيًا ليه تتعامل مع ناس صعبة أو شرسة أو لسانها حاد؟، ليه متشكرين أوي اللي مكتوب لك هتشوفه سواء كده أو كده وطول ما أنت بتشتري نفسك الدنيا هتشتريك أوي”.
وتنتظر الفنانة ياسمين صبري، عرض أحدث أفلامها السينمائية بعنوان “أبو نسب”، بطولة كل من: الفنان محمد إمام، الفنان ماجد الكدواني، وفاء عامر، هالة فاخر، محمد ثروت، محمد لطفي وغيرهم من الفنانين.