كتبت – أسماء حليمة
تحدثت الفنانة علا غانم في تصريحات تلفزيونية، عن إمكانية تقديم مسيرتها الفنية، في عمل فني، بجانب حديثها عن فترة ابتعادها عن الشاشات.
وقالت علا غانم: “معروض عليا أقدم مشواري الفني، وحياتي في عمل فني، ولو هيتكتب بشكل يليق وفيه كل التفاصيل، أنا مش هبخل على جمهوري أبدًا إننا نعمل حدوتة حقيقة”.
وتابعت علا غانم: “أنا بعدت 7 سنين، وكنت عايزة أحس بحب الجمهور ليا، خاصة إني من الممثلين اللي قليل أوي حد يقولي برافو، علشان خايفين أن ده يأثر على آدائي كممثلة، عايزين يحتفظوا بيا كممثلة”.
وواصلت “غانم”: “ورد فعل الجمهور فاق توقعاتي، وكنت فاكرة إني لما هبعد أعمالي هتبعد معايا، ولكن مفيش شهر بيعدي إلا وعمل بيتعرض على الشاشة، وده بيدل على أن الجمهور بيحبني”.
وأختتم علا غانم حديثها قائلة: “أنا حقيقي مقدرة حب الجمهور وأوعده أن اللي جاي أحسن كتير”.