شعر / عبد الله الهادي
ــــ
مش عارف ليه
مش قادر ابـطل جد
وتمللى
باسد السكه ف وش العيب
وباسيب الحق
يزق كلامى
ويضرب فى المليان
وباحب اتحقق
قبل لسانى
مايهرب منى ومالحقهوش
وتمللى بادقق
وارشق عين العقل
تفتش فى المواضيع
القلب وسيع
والروح أوسع
والصبر بيزلط وبيبلع
حسب الأحوال
وخيال الضل
بيزرع فل فى وسط النار
باي باي ياهزار
الخوف ستار
والعار سلطان
وآمان يالاللى
بقينا خراب
بلاوينا يوماتى تحنينا
والهم
بيرقص حوالينا
واليأس غراب
والفرح
بينزل فى خلاصه
م الجرح
مايعرفش خلاصه
يرضع قطران
وشباب عدمان
والجنس الناعم مش فاهم
ولا عايز يفهم
وان خربت هوَّ الخسران
يالا للى آمان
مش عارف ليه
الكدب طلع له سنان
والكلمه الجد
تمللى تهد كيانى
دايـماً عـدوانى
فى نظر الناس الشوم
وغيوم الباطل واقفالى
وسؤالى بيمدغ
جوه خيالى لبان
يمكن علشان
الكره خلاص بقى موضه
والحب الخالص
أصبح دقه قد يمه
وكلام السيما
فى كل مجال فشار
أخبار اليوم والأمس
اليأس ماليها
والبؤس حابسها
وطافى عليها النور
وسطور الفقر
في كل أوان ملتوته
والتوته فشنك
ودم الدنك بحور
معزور ياكلام الجد
بجد معاىَّ
طول ما انت وراىَّ
الطبل هَـيملا الراس
الصدق ولىّ
واتبرى الأخلاص
والكاس بيصرخ
من مرار الآه
وياألف آآآه
ع اللى العدم سواه
والمسكنه
بتبص من جواه
وسماه يوماتى
تشتكى لعماه
وهواه ليلاتى
مش لا قى له خلاص
وما فيش خلاص
طول ماالأ سىَّ مواويل
والعمرعتمه
والمقاسى دليل
والجيل مناه
تبقى الحياه قنديل
والفرح يضحك
والأمانى تسمى
قومى ياحلوه
ياللى دمك دمى
قومى استحمى
ماالذ نوب واتوضى
وارضى علينا
وولعى القناديل
أطلعى م الليل
وعدى للصباح
جففى دمعة عيونك
وأمسحى دم الجراح
وانصبى ألأفراح عشانى
قلبى طيب مش انانى
نبض روحى لو جَفانى
مستحيل إِنه يجافيكى
وإن جافـاكى يحب مين
لسه فاضــل جملتين
مـُشتاقين للرد منك
إمتى يبقى الجد فيكى
خيل بيرمح
نخل يطرح
والتقينى فى كل مطرح
بأفتح الأيام واعدى