كتبت – نورا عادل وأميرة الجندي
تلقت أسرة وجريدة عيون الشرقية الكثير من الشكاوي بشأن زيادة الأسعار عن المُعلنه من قِبل محافظ الشرقية.
وتقول الطالبة “ا.م”:« يعني أنا بابا بيديني مصروف 10 جنيه بالمواصلات لما اركب بـ 3 رايح و 6 راجع، هيفضلي 1 جنيه بس وغير كده الدروس والكتب بمبالغ يعني الكتاب ب 150 و 100 والدروس بـ 110، يعني أولياء أمورنا هتلاحق على الدروس ولا الكتب ولا المواصلات ولا طلباتي ولا مصروفي».
ويضيف الطالب “م.ع”:«المفروض إن السواقين يكونوا عندهم رحمة بالطلاب، لكن للاسف بيستغلونا لانهم عارفين اننا مضطرين نروح دروسنا في مواعيدها، ولما بنتكلم بيتم الرد بـ لو مش عجبك أنزل».
وأكد “أ.س”:«برغم أن الأجرة زادت 25 قرش، السواقين بيزودها 50 قرش، ويساعدهم على ذلك رجل الموقف، وهما للأسف ماعندهمش علم أن 50 قرش على 50 بيفرق جدا وخصوصا مع الطلاب، لكن انعدم الضمير ».
وتشتكي “و.أ” المسنه:«بركب الميكروباص بيستغلوا أن انا واحده مُسنه ويقولوا خدي كرسيين، انتي مش هتقدري تقومي علشان الناس تركب، وغصب عني بضطر ادفع أجرة 2 علشان ألحق ميعاد الدكتور، واعمل أكل لولادي ».
وعبرت “أ.ح” عن حزنها:«السواقين مابتحسش بينا، مش عارفين أن في ناس بتسهر طول الليل علشان 5 جنيه، انا ببيع خضار وبمشي من البيت الساعه 9 بليل علشان اجيب خضار وابيعه ويطلع مكسب حتى لو 5 أو 10 جنيه اصرف بيها على دروسي بناتي، بركب العربيه السواق يقولي انتي معاكي حاجات كتير هتدفعي 20 جنيه، وانا مش بقدر أقف كتير فـ بدفع».
ومن ناحية أخرى، يقول السائق”إ.م”:”كل حاجه غليت، اسعار قطع الغيار زادت، الكاوتش كان 900 و 800 ارتفع للألوفات، وارتفع أسعار الوقود، ونحن مجبرون على هذه الزيادة، وهم أيضا مجبرون على هذه المواصله “.
ويقول سائق آخر”ع.ا”:« أي يا استاذه انتي مش عارفه إن الزيت غالي».
ويضيف السائق “م.م”:« انا بقف في الطريق يعني يستهلك بنزين وبتعطل عن دوري في الموقف، مش عجبكم ماتركبوش، شوفوا اي مواصلة تانية توصلكم ».