حبة ورق
قلب محروق
من زمان قلبه أتحرق
حبه بواقي
وإللي باقي
إترمي في وسط الغرق
الكل فاتها
وليلة سُباتها
قطّعوها
حدّفوها في المفترق
زهره دبلت
مشطوب عليها
وبين عينيها أطول / وتد/
وحبة حاجات متكعبلة
متهلهلة
متدونه
حالة / عجز/
حروفها طايره
شيله ومايله
ولاخد مانبها غيري أنا…
هندموها
علموها(قلة أدب)
مقطّعه عرض الطريق
أشواگ تلاحق أي حد
ومبرجله/عمر الوليد/
الحيله قلت
الحاله ملت
حلم إنحني
جسده نحيل
حتي في ليلة حنته
مالاقيت له حد يهندمُه
من گسفته
سكت الالم جوه عروقه
حتي بواقي الحلم مدفونه في غيطانها
الحلم عاش مابين صوابعي
وراح لغيري
الحب عاش جوه بقلبي
وإتهنى غيري
أحلام گتيره إِتشّوهت
إتمددت….
وسط الحياه