كتب – أحمد الشيخ
حكى الفنان كريم عبد العزيز عن فترة صعبة مر بها عندما اكتشف إصابته بـ9 جلطات في الرئة أثناء رحلته في إنجلترا وأخبرته الطبيبة إنه سوف يموت.
وخلال لقائه ببرنامج “sold out” المذاع على منصة “watch it” مع الإعلامي محمود سعد قال كريم عبد العزيز: “أنا عامل لوالدتي تأمين صحي وكنت مسافر في إنجلترا وكانت والدتي تعبانه وهتعمل عملية، فجأة لقيت آلام غير طبيعية في صدري افتكرته برد ودهنت “فيكس وأبو فاس” وبعدها عملت أشعة ومشيت”.
وتابع قائلًا: “فوجئت تاني يوم برسايل بيطلبوا أني أروح للمستشفى فورًا وأنا مش حاسس بحاجة، وصلت لقيت ناس واقفة مستنياني وبيسألوا إزاي واقف على رجلي، وقتها كان عندي 36 سنة دخلت الأوضة مع الدكتورة وقالتلي أنا أسفة لكن دا الطب ولازم أقولك “You will die” إنت هتموت”.
وأردف كريم عبد العزيز ليحكي عن رد فعله عندما اخبرته الطبيبة بهذه الجملة قائلا: “لأول وهلة قعدت أقول هو في die جديدة في الإنجليزي كان عندي 9 جلطات في الرئة، كنت عايز أهرب من المستشفى وطلبت منها إني أروح أشوف ولادي، قعدت في المستشفى 4 أيام في العناية المركزة وكل الأفكار الغريبة كانت في بالي كل اللي بفكر فيه أولادي”.
وأكمل عبد العزيز: “قررت أشوف دكتور تاني وفعلًا قابلتله وقلت له إني لو قعدت في مستشفى هموت، فضل يسألني إن كنت روحت لدكتور تاني أو مستشفى وأنا جاوبت لأ، مع إن في إنجلترا الشبكة الطبية مربوطة ببعض يعني هو شايف إني دخلت مستشفى لكن كنت بجاوب لأ، لحد ما سألني بشتغل إيه قولت له ممثل ومش عايز أقعد في مستشفى، اتفق معايا إني مقعدش في مستشفى وأخد الأدوية والحقن في البيت”.
“وكان كريم عبد العزيز تعرض لهذه الأزمة الصحية عام 2011”.
على جانب آخر، يواصل كريم عبد العزيز تصوير مسلسله الجديد “الحشاشين” والمقرر عرضه في موسم رمضان 2024، وهو من تأليف عبد الرحيم كمال وإخراج بيتر ميمي وإنتاج شركة سينرجي.