كتبت – ابتهال خيري
تحدث محمد أشرف “روقا” لاعب وسط الفريق الأول لكرة القدم بنادي الزمالك، عن فريق كرة القدم بنادي الشرقية، كما وجه رسالة مهمة للجماهير التي دائما ما تقف خلف الخيول.
وكتب روفا عبر حسابه الشخصي على موقع التواصل الاجتماعي فيسبوك: “انا هتكلم في حاجة عمري ما اتكلمت عنها، بس انهارده حصل موقف معين واتكلمت مع شخص حسيت من كلامه أنه زعلان ومضايق ومضغوط”.
وأكمل: “قررت اتكلم على موقف عام بالموضوع، عايز اتكلم بخصوص نادي الشرقية، عايز اقول لجمهور الشرقية وخصوصا اللي بيروح يحضر الماتشات في المدرجات وبيتعب نفسه وبيسافر ورا الفريق في كل حته ان كل اللي بتعملوه ده اللاعيبه والجهاز مقدرينه وشايلينه على رأسهم كمان واكيد انتو مضايقين من ان الفريق بقاله كام ماتش مبيكسبش وأكيد قلقانين ان الفريق بعد كل ده ميصعدش بإذن الله الفريق هيصعد”.
وأردف: “تعب اللاعيبه ومجهودهم مع الجهاز الفني ومع كل ده انهم يشوفوكوا دائما بتدعموهم وواثقين فيهم وأنهم قادرين على تحقيق الصعود”.
واضاف روقا: “لاعب الكوره بني آدم في الأول والآخر مش روبوت هيلعب كل الماتشات بنفس المستوى أو هيكسب كل الماتشات وانتم كجمهور أكيد مش عايزين غير الروح وأنك تشوف كل لاعب بيموت نفسه وأكيد عارفين ان الفريق فيه لاعيبه جيدة جدا وجهاز فني كويس من أول الدوري ومتصدر الجدول”.
واختتم نجم الزمالك: “حالياً هو أكتر وقت الفريق والجهاز واللاعبين محتاجينكوا وراهم وبتدعموهم وواثقين فيهم وهم هيفرحوكوا ويعملوا اللي يليق بيهم وبكم ويصعدوا. شكرا “.
https://www.facebook.com/share/T2w6HF5aQt2psbC9/?mibextid=I6gGtw
جدير بالذكر أن فريق الشرقية خسر فى آخر لقاء له أمام الشنواني بهدف دون مقابل، على ملعب ههيا، فى الجولة السابعة عشر من مسابقة دوري القسم الثالث للمجموعة الثامنة.
ويتصدر الخيول ترتيب الدوري برصيد 37 نقطة بفارق أربعة نقاط عن أقرب منافسيه، حصدهم من 17 مباراة، حيث فاز فى 11، وتعادل فى 4، ووقع فى فخ الهزيمة فى مبارتين، ويتبقى خمس جولات على نهاية الموسم.