كتب – أحمد عبدالفتاح
كشفت الفنانة بشرى عن رأيها في أغاني الراب، متحدثه عن أغاني المبارزة التي قدمتها للرد على محمد رمضان، وانها تنوي ان تنتج له فيلمًا.
وقالت بشرى: “ممكن أتعاون مع مطربي الراب، وليه لأ؟.. أنا بعشق الراب وبحب ويجز وغير ويجز وبحب أي تجربة ناجحة ومافيهاش استفزاز، وفيها فكر جديد وجرأة والحد الأدني من الشياكة، وممكن أغني مع مروان سداوي لأنه كان عامل لينا جزء من أغنية”.
وتحدثت بشرى عن أغاني المبارزة: “أنا أول واحدة في مصر عملت المبارزة، ومحمد رمضان فاهم النوع ده كويس هو اللي بدأ بالهبد، وأنا بحبه على فكرة هو ناجح، ومفيش خلاف بينا الدنيا اتشخصنت لما رديت عليه في أغانيه، ولكن القانون أعطى له الحق يعمل أغنية يقول أنا الملك ونمبر وان”.
وأوضحت بشري وقلت: “له تمام أنت كده فعلًا وطلعت رديت عليه لأن زي ما القانون والدستور أعطى له الحق أعطاني أنا كمان الحق وطلعت قلت له أنت مش لوحدك في النادي وهي مبارزة فنية زي زمان في الشعر كان فيه المبارزات الشعرية”.
وتابعت بشرى متحدثة عن محمد رمضان ومدى تواضعه ورغبتها في إنتاج فيلم له قائلة: “محمد رمضان من أكثر النجوم المتواضعين، ومن أكثر الفنانين اللي عندهم صبر على جمهورهم، وعنده قدرة إنه يتصور مع كل الناس ويدي كل واحد حقه ويرد على كله”.