كتب – أحمد الشيخ
قام نجم نادي الزمالك السابق الكابتن محمد صلاح، بتوجيه رسالة لمرتضى منصور رئيس الأبيض المعزول بحكم قضائي، من خلال مداخلته عبر برنامج “بلس 90”.
وقال صلاح، خلال مداخلة هاتفية ببرنامج بلس90: “هناك مشكلة بين مرتضى منصور وممدوح عباس، الأتنين لو طلعوا بره مشاكل الزمالك كلها هتتحل، هو مش عِند في الزمالك عِند في الأشخاص، النادي هو المتضرر هو والجمهور”.
وأضاف محمد صلاح قائلًا: ” في 2015 نادي الزمالك كان فيه فلوس، فكنت تستطيع حل مشاكل النادي، ودلوقتي نادي الزمالك واقف مبيتحركش، و مش هتعرف تقيد الصفقات الجديدة بسبب القضايا في الفيفا”.
ووجه صلاح رسالته إلى مرتضى قائلا: “مصلحة الزمالك إنك تمشي وتبعد عن النادي، وياريت تحلو مشاكلكم بره النادي، وبعدها الزمالك هيفوق”.
وأختتم حديثه مخاطبًا الدكتور أشرف صبحي، وزير الشباب الرياضة: “لازم يبقى عنده حل، صعب وعيب تسيبوا نادي الزمالك كده”.