كتب – عمر أسامة
قام الفنان بيومي فؤاد بالانفعال، بسبب استيائه من شماعات بعض جماهير النادي الزمالك، بعد خسارة الفريق برباعية أمام النادي الأهلي بالسحر والظلم التحكيمي.
وتحدث بيومي فؤاد خلال مداخلة هاتفية ببرنامج “حضرة المواطن”، الذي يقدمه الكاتب الصحفي سيد علي بقناة “الحدث اليوم”.
وقال: “عمري ما غلطت ولا قليت أدبي على جماهير الزمالك، أنا ربنا خلقني أهلاوي إيه المشكلة، الزمالك لو اتغلب من ريال مدريد هيدوروا على أي حاجة غير انهم وحشين”
وأضاف بيومي: “شيكابالا تحدث مع عمرو أديب أن لو كورة هناخد الدوري، يعني إيه كورة هو احنا بنلعب بلي، امتى هتقولوا إنكم اتغلبتوا النهارده علشان وحشين أو اللي قدامكم كانوا كويسين”.
وتابع بيومي فؤاد: “لما الزمالك خد كأس مصر من الأهلي قلت على الأهلي دا احنا غلابة النهارده ووحشين، هما لما يخسروا بيعلقوا شماعات ومبررات الخسارة منها الظلم والتحكيم والمؤامرات والسحر، الزمالك بيتجامل والأهلي بيتجامل”.
واختتم: “الزمالك بيتظلم والأهلي بيتظلم، ولكن هناك أمور أخرى وراء الخسارة لا بد على الزمالك الوقوف أمامها والاعتراف بالتقصير والخلل والمشاكل بعيداً عن الشماعات”.