كتبت – بسمة غربية
تحدث الفنان محمد صلاح عن عدم عمله بالتمثيل منذ سنوات، موضحًا أنه مستور ماديًا ولكنه اشتاق للعمل، خاصةً أنه شارك في العديد من الأعمال المهمة منذ الثمانينات مع كبار النجوم.
وقال الفنان في تصريحات صحفية: “بقالي كام سنة على الحال ده وحاجة تجنن، ومحاولتش أكلم حد، لأني شاركت مع نجوم مصر في أعمال مهمة”.
وتابع صلاح: “الجيل بتاعنا من المخرجين ومساعدين الإخراج وشركات الإنتاج كلهم مش بيشتغلوا، وكل اللي بيشتغل حاليًا صغير، لكن الناس القُدام في البيوت”.
وأردف الفنان: “عندي معاشي من التلفزيون ونقابة المحامين، لكن التمثيل شغلي وحياتي كلها وزعلان على أوقاتي اللي كنت بقضيبها في المسرح، وده مأثر عليا نفسيًا”.
وأكمل محمد صلاح: “المادة بالنسبة لي مش مهمة، طالما الدور حلو، وأنا في بدايتي قعدت سنين اشتغل ببلاش وكنت محامي وليا اسمي ووضعي وكنت برفض اشتغل كومبارس وشاركت في أعمال حلوة”.
كما قال الفنان: “الوسط الفني مفيش حد فيه بيفكر في حد، وكله بيقول نفسي، وأنا كرامتي ما تسمحش ليا أني أطلب من حد شغل، على الرغم من أني عارف الناس كلها وعلاقتي بيهم زي الفل”.
واختتم صلاح حديثه قائلًا: “بدايتي كانت على المسرح القومي وأول مسرحية شاركت فيها كانت مسرحية أهلا يا بكوات، مع عزت العلايلي وحسين فهمي واشتغلت معاهم تلات سنين، ودوري كان صغير ولكن عمل بصمة, واشتغلت سينما مع نادية الجندي وعزت العلايلي ونجوم كبار، وشاركت في ليالي الحلمية ورأفت الهجان وغيرها من الأعمال”.